Davao City- Nagpabiling naka full allert status ang Davao City Police Office sa haduol na nga kasaulugan sa Kadayawan Festival 2017.
Gibutyag atol sa AFP PNP presscon ni DCPO spokesperson Police Senior Inspector Maria Teresita Gaspan nga adunay dul-an 29 mil ka mga personahe gikan sa mga nagkadaiyang ahensya ang ipakatag aron mubantay sa seguridad sa entero Davao City.
Giangkon ni Gaspan nga taas ang threat sa syudad busa gipaniguro sa DCPO lakip na ang ubang security forces ug government agencies nga maximum security ang ilang ipatuman ilabina sa mga major event areas sa Kadayawan.
Dugang pa niini nga ‘No Leave Policy’ ang ipatuman karon sa tanang kapulisan aron maseguro nga luwas og magmalinawon ang syudad.
Nanawagan ang maong buhatan sa publiko nga sundon ang mga balaod nga ipatuman sa syudad atol sa usa ka semanang selebarasyon sa Kadayawan.
Subling gipahidumdum ni Gaspan nga gidili gihapon ang pagdala’g backpack, pagsuot og kalo ug shades, pagdala’g mga hinagiban, canisters ug uban pang mga hait nga mga butang.
Kasamang Aimee Guinita
