General Santos City—Plansado na ang security plan nga ipatuman 9 ka mga sam-ang sa syudad sa umaabot nga kalag-kalag karong Nobyembre 1, hangtod 2, Kini ang gikumperma ni Police Sr. Supt. Romeo Ruel Berango ang OIC City Director sa sa Gensan City Police Office.
Sumala ni Col Berango nga kagahapong adlawa ilang gipahigayon ang final coordinating conference kauban mga Chief Of Police, City Housing,Joint Task Force Gensan , Barangay Officials ug uban pang force multipliers aron nga ma finalize ang ilahang ibutang nga mga tao sa tanang sam-ang sa syudad.
Dugang pa ni Berango nga Octobre 31, palang aduna na silay mga ipakatag nga mga pulis aron nga masiguro ang kaluwasan sa mga muduaw sa ilahang mga minatay.
Magbutang usab sila ug mga pulis sa mga beach resort tungod sa posible usab nga pag dagsa sa mga tao sa maong mga lugar human sa kalag kalag.
Nanghimangno usab ni Berango ngadto sa katawhan nga mahidangat sa mga sementeryo ning dakbayan nga mikayan nalang ang pagdala ug mga butang nga guntanong gidid-an sama nalang sa hait nga hinganiban, pusil, ilimnong makahubog, baraha, sound system ug uban pa. (Dave Silagan)
