Seguridad sa mga entry points sa dakbayan sa Malaybalay, mas gipahugtan batok sa hulga sa ASF

Mas gipahugtan karon sa lokal sa Malaybalay ang seguridad sa mga entry points sa dakbayan batok sa hulga sa African Swine Fever (ASF).

Atol sa gipahigayong City Disaster Risk Reduction and Management Council (CDRRMC) meeting kagahapon didto sa Old City Hall Malaybalay, gibutyag ni CDRRMO Chief Alan Comiso, nga gigahinan og P2.5M alang sa pagpalit sa mga kagamitan sa pagpahugot sa checkpoints sa mga boundaries palibot sa dakbayan aron nga mapugngan ang pagsulod sa maong sakit sa mga baboy.

Dugang pa niya nga dili angayang baliwalaon ang maong problema tungod kay dako kinig mahimong epekto sa mga negosyante sa baboy ug sa ekonomiya sa dakbayan kung hingpit nga makasulod.

Ang maong pondo gihangyo sa City Veterinary Office sa Malaybalay aron nga mas mas mapahugtan ang seguridad sa mga entry checkpoints batok sa ASF ug mapugngan ang pagsulod niini.