Bukidnon – Gisugyot sa usa ka anti drug advocate sa gobyerno nga angayang pahugtan pa ang pagbantay sa mga pantalan ug airport sa nasud aron dili makasulot ang mga illegal nga droga.
Sa interview sa RMN Malaybalay ngadto kang Atty. Clarence Paul Oaminal, kanhi undersecretary sa Dangerous Drug Board gibutyag niini nga nagtoo siya nga walay manufacturer sa droga sa Pilipinas kung dili mga distributor lamang.
Matud ni Oaminal nga hangtod karon wala pa gyoy Filipino nga chemist sa pagbuhat ug illegal nga droga maong ang mga foreign national ang naghimo niini.
Sigun ni Atty. Oaminal nga iya nang gisugyot ngadto kang Dangerous Drugs Board (DDB) Chairman Dionisio Santiago nga i-upgrade ang mga port and seaport narcotics security.
Mas maayo usab matud pa nga magtagbo ang mga Bureau of Customs, Philippine National Police ug PDEA nga adunay hurisdiksyon sa mga pantalan ug airport.
