General Santos City–Hugtanong seguridad na ang gipatuman sa Polomolok PNP sa mga nagkandaiyang sementeryo sa lungsod, kini ang gibutyag ni Police Supt. Jose Marie Simangan, ang hepe sa Polomolok PNP.
Sumala niini nga hugtanong gibawal ang pagdala ug armas, hinganiban, baraha, ilimnong makahubog ug uban pa sulod sa sementeryo. Samtang bawal usab ang pagsaba-saba sa mga sementeryo dungan na usab sa pagselebrar sa Kalag kalag.
Nanghimangno usab si Supt. Simangan sa katawhan nga kung mahimo dili gyud magdungan ug adto sa sementeryo inay dapat aduna gyoy mabilin sa ilang mga panimalay. Sumala niini nga posibling pahimuslan sa mga kawatan ang higayon nga wala ang tagbalay sa ilang mga pinuy-anan aron sa pagpangawat.
Kung pananglitan matud pa nga wala gyoy mabilin sa ilang mga balay siguruon nalang nga sarado ang ilang mga panimalay ug dili malutsan sa mga kawatan.
