Davao City – Makigkoordinar ang Task Force Davao ingon man ang ubang security forces sa syudad ngadto sa mga lideres sa simbahan lakip na sa mga mosque.
Kini ang giingon ni Task Force Davao commander Col. Nolasco Mempin atol sa interview sa DXDC RMN Davao diin hisgutan nila ang security measures sa places of convergence ilabi na sa mga simbahan.
Subay kini sa mando ni Davao City Mayor Inday Sara Duterte-Carpio nga pahugtan ang seguridad sa dakbayan human sa nahitabong bombing sa usa ka simbahan sa Jolo, Sulu nga gikamatay sa kapin 20 ka mga indibidwal ug gatusan ang samaran.
Dugang ni Mempin nga gawas sa hugot nga seguridad, giawhag niini ang katawhan nga makig-alayon sa otoridad og adunay mamatikdang mga kadudahang mudaot sa kahapsay sa dakbayan gani magpabilin usab nga alerto sa palibot.
Andrea Coleen Capillo & Reil Aman, UM MassCom Interns
