Gimandoan karon ni Camp Alagar Regional Director Chief Supt. Timoteo Pacleb ang iyang tanang City and Provincial Police Directors nga i-doble ang pagpalig-on sa seguridad aron pagsiguro nga malinawon ang tibook area of responsibility sa Northern Mindanao.
Kini nga mando human sa usa ka ngilngig nga pagpamomba sa suspected Abu Sayyaf sa Lamitan City sa lalawigan sa Basilan niadtong Lunes nga mipatay sa onse ka mga tawo.
Hinoon matud ni Pacleb nga bisan pa sa pagpamomba sa Lamitan top on the situation pa ang kapulisan sa Region 10 ug andam moresponde sa bisan unsa mang mga krisis nga mahitabo.
Matud ni Pacleb nga ang iyang mando sa iyang tanang City and Provincial directors nga ang iyang silbing proactive measure aron pagsiguro nga dili makaporma ang dautang mga elemento nga nagplano og daotang insidente dinhi sa Northern Mindanao.
Nanawaga usab ni Pacleb sa tanang residente sa Region 10 nga magmabinatayon ug i-report dayon sa mga otoridad ang si kinsa mang mga tawo nga kadudahan ang ilang mga lihok sa lain laing mga komunidad sa Aminahang Mindanao.
