Davao City – Nagpadayon karon ang aktibidad sa City Government of Davao nga Pahalipay sa Pasko o ang paghatag og pinaskohan sa nagkalain-laing sektor sa komunidad panahon sa Disyembre.
Sa interbyu sa DXDC RMN Davao kang Angel Sumagaysay, hepe sa Public Safety and Security Command Center (PSSCC), gibutyag niini nga niadto’ng Disyembre 1, 2020 gisugdan ang maong aktibidad ug nakahan-ay na ang pagpatuman sa seguridad labi na sa protocols batok Coronavirus Disease 2019 (COVID-19) sama sa face mask ug social distancing.
Una na nga giingon ni Davao City Mayor Sara Duterte-Carpio nga gikansela man ang Pasko Fiesta ug uban pang kalingawan sa syudad matag Pasko apan magpabilin ang gift-giving sa nagkalain-laing sektor sa komunidad nga pangunahan sa City Social Welfare and Development Office (CSWDO).
RadyoMaN Kirby Manzon
