Davao City – Gibutyag ni Davao City Mayor Sara Duterte-Carpio nga posible’ng magbaton og bag-ong patakaran/direktba labot sa implementasyon sa Food and Medicine (FM) pass diri sa syudad sa Davao.
Matud sa Alkalde sa interbyu sa sa city-owned nga nakita na niini ang dokumento nga gipagawas sa City of the Vice Mayor labot sa bag-ong FM pass, diin kini nasabutan na usab sa mga lideres sa barangay.
“Nagka-istorya me sa Office of the Vice Mayor , nakita nako ilahang document and then I just confirmed kung it was based on discussions sa team leaders ug sa barangay captains and the answer was yes,” matud ni Sara.
Saysay ni Mayor Sara nga dili na magpagawas og bag-ong Executive Order (EO) ang City Government of Davao labot sa FM pass inay diretso na nga magbaton og ordinansa labot niini.
Nasayran nga plano’ng magbaton og color coding sa FM pass ang matag distrito subay sa mikatag nga dokumento sa Office of the Vice Mayor nga maoy sundon sa ipatumang bag-ong FM pass sa dakbayan.
RadyoMaN Kirby Manzon
