Davao City – Hugot nga seguridad ang ipatuman sa kapolisan sa Talomo ug San Pedro PNP alang sa pagbantay sa mga sementeryo sa sentro nga bahin sa siyudad sa Davao nunot sa paghandom sa adlaw sa mga minatay.
Sa interbyu sa RMN Davao kang Police Major Ronald Lao, Station Commander sa Talomo PNP, maglusad ug inspeksiyon ang mga pulis sa mga mobisita sa ilang mahal sa kinabuhi nga mitaliwan na.
Matud ni Lao nga mag-montar usab ug police assistance desk sa sulod sa sementeryo aron nga adunay madoulan ang katawhan kun dunay problema nga masinatian.
Samtang San Pedro PNP 24/7 ang pagbantay sa mga police sa dul-an napulo ka mga sementeryo sama na lamang sa Wireless Roman Catholic Cemetery,Davao Orchard Memorial Park,Masonic Cemetery,San Pedro Memorial Park,Forest Lake ug lower Madapo Public Cemetery.
Sumala ni Police Captain Romelito Sobrecary, Deputy Commander sa Presinto Dos nga ipatuman ang ‘no back pack policy’ subling gipahinumdoman ni Sobrecary ang katawhan nga muadto sa sementeryo kinahanglan nga dunay mabilin sa matag tagsa ka mga panimalay pinaagi niini aron dili mabiktima sa kawat atol sa paghandom sa adlaw sa Kalag Kalag.
RadyoMan Don Pulayao
