Gisugdan na pagplantsa sa kapolisan , Sinulog Foundation Inc. ug sa simbahan ang seguridad alang sa tinuig nga Sinulog karong Enero sunod tuig .
Ang hepe sa Police Regional Office -7 , Chief Supt. Jose Mario Espino nibutyag nga nakapresentar na kini ug security plan ngadto sa SFI ug sa kagamhanan sa dakbayan sa Sugbu alang sa tanang kalihukan sa Sinulog Fiesta karong sunod buwan .
Tinguha sa kapolisan nga sama sa ASEAN Summit makab-ot ang “zero incident” sa tibook kalihukan hangtud na sa pagtapos sa pyesta alang sa patron nga si Sernior Sto. Niño nga dagsaon sa mga deboto gikan pa sa lain-laing mga lugar.
Wa pa hinoon masabuti kung sama sa niaging tuig nga Sinulog pagngon ba gihapon ang tanang cellphone signal atol sa 2018 Sinulog Grand Parade .
