Davao City- Mas gipahugtan karon sa Davao City Police Office (DCPO) ang pagbantay sa seguredad sa katawhan dinhi sa dakbayan sa Davao.
Kini human nga gikumpirma ni Defense Secretary Delfin Lorenzana ang kamatayon sa duha ka lider sa Maute Group nga sila ISIS emir Isnilon Hapilon ug Omar Maute resulta sa clearing operations nga gilusad sa mga awtoridad sa gyera sa Marawi.
Sumala ni DCPO spokesperson Police Senior Inspector Maria Teresita Gaspan nga hugot gipatuman ang security measure ingon man padayon ang koordinasyon sa kapulisan ngadto sa Armed Forces of the Philippines kun AFP gani gipakusgan usab nila ang intelligence monitoring dinhi sa Siyudad.
Dugang ni Gaspan nga padayung gilsuad ang random checkpoint ngadto sa ilang area of responsibility sulod ug gawas ning dakbayan.
Matud sa opisyal nga gikinahanglan ang suporta sa katawhang dabawenyo aron bantayan og maayo nga dili ta malutsan sa mga dautang elemento nga mohimo ug kasamok sa dakbayan sa Davao.
RadyoMan Don Pulayao
