Davao City- Aksidenteng nakablit sa usa ka security guard ang iyang .38 revolver alas 4:50 kagahapon samtang kini nagduty sa AMQ Building nahimutang sa Quezon Boulevard ning syudad sa Davao.
Ang biktima naila nga si Roland Arquillano, 22 anyos, ulitawo, nanimuyo sa Arroyo 2, Brgy. R. Castillano St., Agdao, syudad sa Davao ug lumad sa M’lang North Cotabato Province.
Matud pa gibutang lang niini ang armas ibabaw sa lamesa samtang naghulat sa puli niini nga sekyu apan nasulod ang iyang tudlo ug aksidenteng nakablit ang armas hinungdan nga naigo kini sa walang bahin sa iyang tuhod.
Daling gidala sa SPMC ang samdang sekyu aron sa pagpatambal.
RadyoMaN Don Pulayao
Facebook Comments
