Davao City- Gipatagam sa upat ka residente human nadisturbo sa kabanha sa sekyu nga naghantak sa ilang dapit.
Giila ang biktima nga si Emmanuel Angot, 31 anyos, ulitawo, sekyu, ug residente sa Communal, Buhangin District, Davao City, kinsa nagpatambal sa Southern Philippines Medical Center (SPMC).
Ang biktima gitabangan og kulata nila Emerson Labasano, Jefferson Labasano, Ome Barabar ug Jologs Barabat.
Una niini, nagsugal matud pa og hantak ang biktima apan banha kaayo kini ug natugaw ang mga residente sa palibot tungod sa kadako sa tingog sa sekyu.
Migawas ang upat ug gi-adto ang biktima ug gitabangan og kulata ang maong sekyu nga nahitabo alas 5:40 sa hapon.
Hinoon nagpatala na ang biktima sa Buhangin Police Station, apan ang kapulisan nagsugyot kaniya nga isang-at una sa barangay ang iyang reklamo.
RadyoMaN Joel Viray
