Dipolog City – Nadakpan sa Dipolog PNP ang usa ka sekyu nga nakasupak sa balaud trapiko og nakuhaan sab kini ug usa ka revolver human gimontar ug gipatuman sa kapolisan ang COMELEC checkpoint sa pagpanguna ni Police Chief Inspector Vergil Bruce Dario ang Deputy Chief of Police sa Dipolog PNP bandang ala 5:00 sa miaging hapon, didto sa national highway Bgry. Gulayong ning dakbayan sa Dipolog.
Subay sa report, ang sekyu nga naaresto nailang si Peter Gumabil Andaloy, 33 anyos, minyo, nagtrabaho ubos sa wedge wood security agency ug nagpuyo sa Purok Gulapa Barangay Carupay, lungsod sa Katipunan ning lalawigan.
Sumala pa nga naharang sa kapolisan ang maong sekyu sakay sa iyang single motor xrm kolor itom paigon unta sa iyang duty human wa kini nagsuot og helmet.
Sa pagsita mga police officer nasuta nga dunay nagbagal diha sa gikabibang sling bag ug sa dihang gipangutna ang sekyu boluntaryong nitug-an nga ang sulod niini mao ang armas de fuego nga gi-isyu kaniya sa iyang agency.
Sa gihimong verification wa kini kapakita ug papeles hinongdan siya giaresto ug giisyuhan sab og citation tiket pagsupak sa City ordinace 107 no wearing helmet.
Nakuha sa posisyon ang usa ka 38 revolver dunay serial no. 06113504 kargado upat ka buhing bala.
Sa interview sa rmn dxdr sa sekyu niigon nga wa siya kabalo nagsugod na diay ang gun ban diin ang maong armas iyang dalhon ibilin sa ilang opisina ug hapiton sab niini panahon na moduty sa iyang post sa Brgy. Gulayon.
Sa kasamtangan ang dinakpan sekyu nagatubang na og kaso sa paglapas sa Republic Act 10591 o ang Comprehensive Law on Firearms ug kalapasan sa comelec gun ban.
