Ginabana-bana nga moabot sa 80,000 ka mga deboto ang nisalmot sa penitential walk nga “Walk with Jesus” kaganinang alas 4:00 sa kadlawon gikan sa Fuente Osmeña Circle paingon sa Basilica Minore del Sto Niño.
Ang mga deboto nagbitbit sa ilang mga imahen sa Santo Niño ingon man mga kandila atol sa prosisyon .
Pag-abot sa Basilica Minore del Sto. Niño gihimo ang unang misa sa unang adlaw sa nobenaryo pinanguluhan sa Rector nga si Father Pacifico Nohara Jr .
Giawit sa mga deboto ang Gozos : Batobalani sa Gugma dungan sa tradisyonal nga pagwara-wara sa mga kamot nga sama ug bawod sa dagat kung tan-awon sa layo .
Facebook Comments
