Davao City – Ang pag-regulate sa gamit sa mga mobile phones, gadgets ug social media angay magsugod diha mismo sa tawo o trabahante una pa man magbutang og internal regulation ang usaka kumpaniya.
Kini maoy panglantaw nga giluwatan karon ni University of the Philippines (UP) political science professor Clarita Carlos atol sa interbyu kaniya sa tulumanong ‘Straight to the Point’.
Matud ni Carlos, dili na kinahanglan pang i-monitor ang mga personahe sa kompanya sa gamit nila sa modern technology sama sa nagkadaiyang mga gadgets ug ang pag-access nila sa mga internet platforms sama sa Facebook, Twitter ug Instagram.
Dugang sa propesor kinsa executive director usab sa Stratsearch Foundation, Inc. nga maayong plataporma ang social media alang sa katumanan sa ‘right to information’ sa mga lungsuranon ilabi na sa usa ka demokrasyang panggobyerno sama sa Pilipinas.
Hinoon, si Carlos nagpasidaan nga responsibilidad usab natong tanan nga dili kini abusohon nga katungod ug likayang madani sa pagkuyanap karon sa gitawag nga ‘fake news.’
RadyoMaN Jason Amisola
