Ginasuguran na ang Capitol Development Program nga proyekto ni Governor Arthur Defensor Sr.
Sa karon, may invitation to bid ang provincial government para sa parking building nga ipatindog.
Suno kay Dr. Raul Banias, Provincial Administrator , gindemolish na ang building nga opisina sang una sang National Irrigation Administration agud patindugan sang 6-storey parking building kon sa diin may alagyan nga naga-connect sa Capitol.
Ginpahayag ni Banias nga libre nga maka-parking ang mga empleyado sang sang Iloilo Provincial Capitol kag may minimum parking fee naman para sa mga indi empleyado.
May mga renovation man nga patigayunon kaangay sang pag-convert sang daan nga presuhan sa kilid sang Capitol sa Regional Museum kag may ipahamtang man nga park .
Nahibaluan nga ang budget para sa nasambit nga proyekto nga nagalab-ot sa 196 million pesos ang gikan sa savings sang Defensor administration.
Suno kay Banias, target nga matapos ang Capitol Development Program antes matapos ang pagpangalagad ni Governor Arthur Defensor Sr. bilang gobernador sang probinsya sang Iloilo.
(photo from web)
