Davao City – Selos ang gilantaw nga hinungdan sa Homicide Section sa Talomo Police Station sa kamatayon ni Noel Estabillo Roldan, nagpuyo sa Samantha Homes Matina Pangi Davao City.
Sa imbestigasyon sa Talomo PNP, gitudlo nga suspek ang asawa sa biktima nga mao si Cynthia Maniquez Kadon ingun man ang ka relasyon niini nga si Eugenio Sabac.
Sa follow up operation sa kapulisan nadakpan ang mga suspek ug na recover ang 381 ka libo ka pesos cash nga gipanag iyahan sa biktima.
Sumala ni PChief Insp Ronald Lao nga ang kwarta tinigum aron mapalit pagsubli ang iyang pinuy-anan nga na foreclosed sa Pag-IBIG.
Gitahasan niiini ang iyang ig agaw aron maoy magsilbing buyer sa iyang balay sa Pag-IBIG aron ug mabayran kini siya gihapon ang manag iya sa maong housing unit.
Apan gitambagan ang biktima sa iyang ig agaw nga dili na ipadayon ang pagpalit ug subli sa na foreclosed nga panimalay kay adunay lote nga mas barato sa Tugbok.
Wala na madayon ang transakyon tungod kay sa miaging adlaw nakaplagan ang biktima nga wa nay kinabuhi sa panimalay niini.
Matud ni Lao nga nagkalabo na ang relasyon sa magtiayon apan matag Sabado ug Dominggo muoli kini sa iyang bana ingun man Lunes hangtud Byernes adto kini ipon sa iyang bag ong ka relasyon.
Ang asawa ray nasayod nga adunay salapi ang biktima nga tinigum sa bana aron ibayad sa pagtubos sa ilang balay nga na imbargo sa Pag-IBIG.
Kasong roberry ug homicide ang ipasaka sa duha ka mga suspek nga nabilanggo na sa Talomo PNP.
RadyoMaN Erin Lumosbog
