Selos

20

Esperanzao ay enfrenta caso el un guardia del San Ramon Penal Colony y su esposa despues este su mujer ya empesa tira al-aire el pusil disuyu na cantoy mar na San Ramon, Talisayan del Miercoles tarde.

Alas dos del tarde cuando ya sale sobre-saltao el maga vivientes del mencionao lugar cuando ya oyi con cuantos rebentada desde na 9mm pistol.


Dayun tambien ya responde el maga miembro del Bureau of Correction y ya puede des-arma con Isabel Apostol, esposa di Correction Officer 2 Benson Apostol.

Asegun antede sosede el incidente, ya man pelyahan el man maridable porcausa na selos.

Y despues ya saca si Isabel el bag del su esposo donde talya adentro el deste 9mm pistola.

Aqui ya prinsipia el cenario donde ya dale mira accion si Isabel para comete suicidio.

Pero ya cambia su pensamiento y envez ya empesa este tira al-aire que ya causa para asusta el maga gente.

Con el man maridable ya lleva na estacion del pulis mientras con el pusil ya entrega con el investigador.

Possible ay enfrenta caso ambos el marido y su esposa por el cosa ya pasa.
www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments

From Advertisers