Davao City – Dili isugal ni Southeastern Mindanao Diversified Drivers Cooperative (SEMDOCC) chairperson Maning Duran ang kinabuhi sa iyang mga membro aron nga mubagnos bagnos na diha sa mga kadalanan kansang manginabuhi human sa quarantine.
Sumala ni Duran nga dili niya agnihon ang iyang mga kakaubanang driver sa pampublikong sakyanan nga mubagnos sa pagpamasada tungod kay sa new normal nga sitwasyon maoy labing delikado sa virus nga makamatay.
Matud niini nga sa new normal nga kahimtang angay gayud nga mag amping ang katawhan tungod kay niining tungura ang tanan buot na gayud nga mugawas aron nga manginabuhi sama sa normal nilang ginahimo sa wala pa ang COVID-19 pandemic kay dako ang posibilidad ang ginatawag sa mga health expert nga secondwave.
“Isa na sa gikahadlokan nato kay hantud wala pay may nakitang vaccine niana. Mao nay pinaka kuyaw gyud kung igawas nato ang bag o nilang nga patakaran karon. Dili nato istoryahan diha ang pang ekonomiya kun dili ang kana gyung sakit maoy atong istoryahan. Delikado gyud na siya kinahanglan mamili gyud ta ana ang atong kaseguruhan ba nga dili ta matakdan niana sakita o atong panginabuhian” segun ni Duran.
Gidugang sa SEMDOCC chairperson nga hinaot tas an pa ang hugot sa bakus sa iyang mga kauban sa natad sa transportasyon pinaagi sa mas pinobre pa nga kinabuhi ug ipadayon sa kagamhanan ang iyang ayuda sa apektadong katawhan sa nasod.
RadyoMaN Erin Lumosbog
