Nagalaum si Senator Sonny Angara nga makabulig ang ikatlo nga telecommunications company sa pungsod agud mapadasig ang pagpatuman sang layi nga libre nga WiFi sa mga pampubliko nga lugar ilabi na sa State Colleges kag Universities ukon SUCs.
Ini matapos gindeklara sang National Telecommunications Commission (NTC) bilang provisional third telco provider ang Mislatel nga consortium sang China Telecom kag Udena Corporation.
Suno kay Angara, dako ang mabulig sang libre nga WiFi sa mga estudyante agud indi na ang mga ini maggasto sang kwarta sa computer shops para sa ila mga research, assignments kag school projects.
Dismayado si Angara bangud sa pagka-delay sang implementasyon sang free WiFi access program sang gobyerno nga ginpondohan sang P1.7 billion subong nga tuig.
Sa budget hearing sa Senado , ginpahayag sang Department of Information and Communications Technology o DICT nga 10% pa lang sang nasambit nga pondo ang nagamit kon sa diin 15 pa lamang sa 112 SUCs sa bug-os nga pungsod ang may libre nga WiFi.
(photo from web)
