General santos City–nanghatag ug hinabang si Senador Bong Go sa mga pamilyang nasunugan sa Purok Islam, Barangay South atol sa pagbisita niini sa Gensan partikular na sa South Central Elem.School niadtong adlaw’ng Sabado kung asa temporaryong nagtinir sa maong lugar ang mga nasampit.
Sumala pa ni Go nga dili siya makaagwanta nga dili niini mabisita ang mga pamilya sa mga nasunugan gumikan kay mao kini ang iyang tumong nganong nagpapili kini isip opisyal sa gobyerno aron makatabang sa katawhan nga nanginahanglan ug tabang.
Hinungdan nga wala nagduha-duha ang senador sa pag-anhi sa Gensan aron sayron kung unsa na ang kahimtang sa mga nasunugan ug unsa usab ang ilahang problema ug panginahanglanon nga pwede nilang matabang sa kaulohan.
Pagbutyag man usab ni Senador Bong Go nga pinaagi sa iyang ihatag nga tabang makadawat ang matag pamilyang nasunugan ug tabang pinansyal, pagkaon, mga gamit nga ilahang gikinahanglan ug uban pa.
Samtang saysay usab sa senador nga dili na mabalaka kadtong mga pamilya nga dunay mga anak nga nag eskuwela nga naapil pagkasunog ang ilahang uniporme gumikan kay siya na mismo ang motubag sa tanang galastuson aron makabalik dayon sa pag eskuwela ang mga bata. (Reynald Timario)
