Sen. Marcos nanguna ha paghatag hin ayuda ha mga Individuals in crisis ngan mga parag-uma ha Leyte

Isabel, Leyte– Ginpangunahan ni Senator Imee Marcos an paghatag hin Assistance to Individuals in Crisis Situation (AICS) ha ilarom han Department of Social Welfare and Development (DSWD) ha 1000 nga mga residente ha nasabi nga lugar kakulop, July 20, 2023.

An mao nga financial assistance in nagkakantidad in masomatotal P3 Million nga igin hatag ha mga nanginginahanglan nga Senior Citizen, PWD, solo parents, tricycle drivers ngan iba pa nga mga residente tikang ha 24 nga mga barangay ha lugar.

Dako naman an pagpasalamat ni Isabel, Leyte Mayor Edgardo Cordeno sa pag bisita han senador ha ira bungto.

“We are not asking for anything but we are thanking you for coming to Isabel,” siring ni Mayor Cordeno samtamg ginbabasa an usa nga resolusyon nga nagpapadangat hin pagpasalamat igin-hatag nga bulig han senador ha mga taga Isabel.

Usa naman hi Rowena Ebcas, 48 anyos, solo parent nga taga Brgy Tabunok an nakatagamtam han P3,000 nga hinabang. Sumala ha iya, dako an maibubulig han kwarta nga igin hatag han gobyerno ilabi na ha pagpalit hin school supplies han iya mga anak.

Samtang, labot la ha Isabel,Leyte gin bisita gihapon ni Sen Marcos an Villaba Leyte agud maghatag hin pareho nga bulig.

Ginpangunahan naman gihapon han senadora an paghatag hin Rice Farmers Financial Assistance (RFFA) nga nagkakantidad hin P5,000 ha 1,270 nga mga parag-uma ha Palo, Tanauan ngan Tacloban City.