Nakatitiyak si Senate Minority Leader Tito Sotto III na dummies lang ang tatlo o apat sa top 15 na contractors ng mga maanomalyang flood control projects.
Sinabi ng mambabatas na mayroon siyang nakalap na impormasyon na may mga malalaking kontratista ang nasa likod ng sinasabing mga dummies at malaki pa ang tiyansang may taga-gobyerno na kasabwat dito.
Maging ang ibang senador ay duda rin na dummies ang ilan sa top 15 contractors kaya dapat itong mabusisi nang mabuti.
Samantala, inaprubahan na ni Senate President Chiz Escudero ang pag-iisyu ng subpoena sa limang kontratista at tatlong opisyal ng Department of Public Works and Highways (DPWH) na pinahaharap sa pagdinig ng ghost flood control projects sa September 8.
Batay na rin ito sa rekomendasyon ni Blue Ribbon Committee Chairman Rodante Marcoleta.
Ang limang kontratista ay sina:
1. Darcy Kimel D.J. Respicio, general manager ng Darcy & Anna Builders and Trading;
2. Sally N. Santos, owner/manager of SYMS Construction Trading;
3. Pacifico F. Discaya II, authorized managing officer ng Alpha and Omega Gen. Contractor & Development Corporation; at mister ng kontrobersyal na contractor na si Sarah Discaya
4. Maritoni P. Melegrito, authorized managing officer ng Elite General Contractor and Development Corporation;
5. Edgardo Saggum, owner/manager ng Eddmari Construction and Trading;
At ang tatlong DPWH opisyal naman ay ang mga sumusunod:
1. Engr. Jaypee D. Mendoza, chief, construction division, Bulacan 1st District Engineering Office, DPWH;
2. Engr. Brice Ericson D. Hernandez, former assistant district engineer, Bulacan 1st District Engineering Office, DPWH;
3. Engr. Juanito C. Mendoza, accountant III, Bulacan 1st District Engineering Office, DPWH
