Wala nagtoo si Senator Cynthia Villar nga mahimong P1,000 lamang ang ma-aprubahang budget sa senado alang Commission on Human Rights kon CHR.
Reaksyon kini sa senadora human nga gihatagan lamang sa maong kantidad ang CHR sa Kamara.
Sa interview sa mga media ngadto kang Sen. Villar atol sa iyang pagbisita sa Lantapan, Bukidnon gibutyag niya nga lahi ang senado ug lahi usab ang kamara.
Matud niya nga mag-agi pa usab kini ug bicameral committee kung aduna na silay kaugalingon version nga ma-aprubahan.
Kasagaran matud pa ilang aprubahan ang budget nga gipangayo sa buhatan ug alang sa sunod tuig gihangyo niini ang P678-million.
Gidugang pa ni Sen. Villar nga dili mausab ang budget nga gipangayo apan mausab lamang kung aha mapaingon o unsay gastuhan sa mao nga kantidad kung kini ba nahipunta alang sa kaayuhan sa publiko.
