Iligan City – Nasorprisa ang mga biktima sa sunog sa barangay ubaldo d. laya sa pagdangat ni Senator Elect Christoper Bong Go karong hapon.
Kini tungod nagsakay lamang kini ug motorsiklo sa pag-abot niya sa maong area.
Wala nahimong babag ngadto ni Go ang kusog nga ulan pagbisita niya sa maong mga biktima sa sunog kun asa mitunol kini ug mga foodpacks ingon man cash assistance.
Wala gisapayan ni Go ang giingong hulga sa seguridad sa iyang pagdangat sa iligan makahatag lang ug tabang ngadto sa mga nanginahanglan.
Gawas sa food packs ug cash assistance nga gihatag ni Go misaad usab kini ug panimalay alang sa mga biktima sa sunog.
Kini ipaagi matud pa sa National Housing Authority o NHA ug sila na usab ang mo validate alang niadtung hatagan niini.
Gidasig ni Go silang mga nabiktima sa sunog sa pag-apply sa maong mga panimalay nga itanyag sa nasudnong pangagamhanan.
Kini aron makabalik na sila sa ilang insakto nga pamuyo ug makapadayon sa ilang inadlaw-adlaw nga panginabuhi.
Matud ni Go, sama sa iyang gisaad sa nakalabay’ng kampanya, ang iyang bisyo mao lamang ang pag serbisyo.(Ghiner L. Cabanday, RMN Iligan)
