MOISES PADILLA, NEGROS OCCIDENTAL – Ginpatigayon na sini nga aga ang send off ceremony sa pwersa sang police nga amo ang magabulos sa tanan nga katapo sang Moises Padilla Municipal Police Station matapos ini sila ang gin-relieve.
Suno kay PNP Region 6 Spokesperson Lt. Col. Joem Malong nga gin-ilisan ang bug-os nga pwersa sang Moises Padilla MPS bngud man sang pagluntad sang halos sunod-sunod nga election related incident sa amo nga banwa.
Ginpahayag nga ang hepe sang Moises Padilla MPS nga si Lt. Col. Junjie Liba ang ginbuslan ni Lt. Col. Adrian Accolador.
Si Liba ang gin-relieve sa pwesto bisan pa nga gin-aprobahan na sang Comelec en banc ang rekomendasyon nga ipahamtang ang banwa sang Moises Padilla sa idalum sang Comelec control.
Ang pag-relieve sa tanan nga personnel sang Moises Padilla PNP ang gilayon nga nag take effect sumugod sini nga adlaw matapos naman ginpatigayon ang turn-over ceremony sini nga aga sa Negros Occidental Police Provincial Office.
