General Santos City—- Gi-deploy na sa managlahing lugar sa rehiyon ang mga pulis nga magbantay sa siguridad alang sa usa ka adlaw nga piniliay sa barangay ug sangguniang kabataan.
Sumala kang Police Chief Superintendent Marcelo Morales, Regional Director sa Police Regional Office 12 nga dunay 320 ka mga pnp personnel ang gipa-ilalom sa training isip mga Board Of Election Tellers kon BET kung asa 179 niini ang ipangbutang sa Pikit, North Cotabato.
Samtang adunay dugang pwersa nga ibutang sa Cotabato Provincial Police Office nga anaa sa 209, 71 ang idugang sa Sultan Kudarat Provincial Police Office, 17 sa Sarangani Provincial Police Office, 95 sa south Cotabato Police Office, 87 sa Cotabato City Police Office, pito sa Gensan City Police Office.
Samtang adunay 167 nga standby forces gikan sa Region Headquarters, adunay 90 gikan sa Armed Forces Of The Philippines particular na sa 27th Infantry Battalion Ug Joint Tast Force Gensan, 19 ang gikan sa bjmp 12 ug 12 ang gikan sa Philippine Coast Guard.
Gawas pa sa 175 nga gikan sa Regional Mobile Forces Company, 32 nga gikan sa Special Action Forces ug 11 gikan sa EOD, k9 ug SWAT.
Sa kinatibuk-an mukabat sa kapin 6mil ang ipakatag sa tibuok rehiyon apil na niini ang adunay election duties samtang ang uban ang magpadayon sa anti-criminality campaign sa rehiyon.
