*General Santos City—- Walay makonsiderang hotspot sa rehiyon 12 sa umaabot nga election gumikan wala may naitalang election related violence, kin iang gibutyag ni police lt. Col. Aldrin gonzales, tigpamaba sa Police Regional Office 12.*
*Sa karon matud pa wala silay namonitor nga mga Private Armed Group nga nagpahigayon ug kasamok sa bisan asang dapit sa rehiyon.*
*Saysay niya nga hugot nga gi-monitor kaniadto mao ang syudad sa Cotabato, apan sa karon dili na kini apil sa area of responsibility sa PRO12 human nga gi-turn over sa PRO-BARMM.*
*Dugang pamahayag ni Pol. Lt. Col. Gonzales nga sa karon, ilaha nalang gina-monitor mao ang pipila ka mga lugar sa probinsya sa Sarangani nga adunay mga naitalang kagubot sa mga nanglabay nga eleksyon.*
*Sama nalang matud pa sa lungsod sa Maitum kung asa init ang dagan sa pulitika, apan sakaron, ilaha kining ginatutukan.*
*Takda usab nga magpahigayon ug sendoff ceremony ang Police Regional Office 12 ugmang adlawa alang sa libuan nga pulis ug militar nga magbantay sa tibuok rehiyon alang sa midterm election.*
