Tambulig, Zamboanga del Sur – Patay ang senior citizen dihang aksidente nga na-atrasan sa sakyanan ang motorsiklo nga gisakyan niini Purok Kalunsing, Brgy. Tungawan, Tambulig, Zamboanga del Sur alas 12:30 kagahapon sa udto.
Giila ang biktima nga si Julia Candole Avelino, 75- anyos residente sa Brgy. Lower Mahayag, Mahayag ning probinsya.
Base sa imbestigasyon sa Tambulig Municipal Police Station, samtang angkas ang biktima sa motorsiklo XRM nga gimaneho ni Orlan Candule Avelino, aksidente silang naatrasan sa gisundan nga IZUSU forward Truck nga nagtangag sa plaka numero CTY -271 nga gimaneho ni Joven Geronda Quilab, 23 anyos, taga Purok Santol, Barangay Riverside sakop sa lungsod sa Tambulig.
Dugang nasayran nga ang mga nahisgutang mga sakyanan nagdagan paingon sa Barangay Kapalaran ngadto sa Poblacion Tambulig apan paghidangat sa Purok Kalunsing, Brgy Tungawan nakahukom ang driver sa forward nga mohonung apan aksidente nga nabangil ang nagsunod nga motorsiklo nga miresulta sa kamatayan sa sakay niini.
Ang driver sa IZUSU Truck boluntaryo nga nitahan sa kapulisan sa maong lungsod.
