Ibajay, Aklan – Patay rong sangka lola matapos nga sunggaban samtang nagapanikangon sa kilid kung national highway it Brgy. Ondoy, Ibajay, Aklan kainang agahon.
Ro biktima nakilaea kay Rosalinda Silva, 66-anyos ag residente it nasambit nga barangay ag nakaangkon it lastro sa ueo.
Suno sa mga naka saksi nga nagbakae it itlog rong biktima ag tag nagapabalik eon hay hasunggaban it van nga byaheng Caticlan – Kalibo nga gina maneho ni Arcenio Moises Jr., alyas “Boyet” ag sa legal nga pang edaron.
Sumunggab pa sa pader it sangka panimaeay ro nasambit nga van.
Samtang may mga pasahero man it van rong nakaangkon it lastro sa andang eawas rong ginpandaea sa hospital para mataw-an it nagakaigo nga pagbueong.
Padayon pa rong imbestigasyon it Ibajay PNP angot sa nasambit nga insidente.
