Davao City – Usa ka patayng lawas napalgan sulod sa iyang pinuy-anan sa Purok 3, Brgy.25-C, Quezon Boulevard, syudad sa Davao.
Base sa report sa Sta. Ana PNP, naila ang biktima nga si Felicisimo Canilanza, 65 anyos, residente sa nahisgutang lugar.
Sa imbestigasyon ni PMsgt.Adnan Ahadain Sta. Ana PNP Investigator, nakadawat og tawag si Marjorie Canilanza Pudpud gikan sa Quatar sa iyang ig-agaw nga si Strawberry Canilanza nga i-pasusi ang iyang amahan sa ilang balay.
Sa dihang gisusi ni Marjorie iya na lamang nakit-an nga wa na kini kinabuhi.
Sumala pa, ang biktima nag-inusara lamang nagpuyo sa iyang balay diin nasayran nga buwag na kini sa asawa sa dugay nang panahon ug dunay gihambing balatian ug gipailawom na kini sa dialysis.
Alayon niini walay nakitang foul play ang kapolisan sa kamatayon sa biktima.
Ang patayng lawas gidala sa St.Peter Funeral Homes Panacan alang sa otopsiya.
RadyoMaN Don Pulayao
