Senior citizen napalgang patay

19

Pagadian City – Gipa-ilalom na karon sa post mortem examination ang patay nga lawas nga napalgan alas 3;00 kaganihang kadlawon sa Purok Bagong Silang, Brgy. Santa Lucia ning syudad sa Pagadian .
Giila ang biktima nga si Alberto Getuayan Abad Sr., 70 -anyos, residente sa nasangpit nga lugar.
Sumala ni Aisa Trazona Ote, silingan sa biktima samtang nigawas siya sa iyang lawak nadeskobreha niini nga abli ang kwarto sa biktima ug dihang gisuta nakit-an nalang nga nagbuy-od ang biktima sa higdanaan nga wala nay kinabuhi.
Base usab sa testimonya ni Rusty Abad, anak sa namatay nga iya nang nasayran nga naglisod sa paginhawa ang iyang amahan gumikan sa asthma ug balatian sa high blood.
Ang patay nga lawas gipahiluna na sa usa ka purinarya ning syudad.

Facebook Comments

From Advertisers