TACLOBAN CITY – Patay an usa nga senior citizen matapos mabunggo han sarakyan han nahingaturog nga driver ha national highway han Brgy. Luan, Dulag, Leyte kasangkulop, July 2.
Subay ha report han Police Regional Office 8, ginkilala an biktima nga hi Nestor Guimoc, 64 anyos, may asawa, usa nga caretaker han globe tower ngan residente ha Poblacion Zone 3, Mayorga, Leyte.
Ginkilala naman an nahingaturog nga driver nga hi Franklyn Diongzon, 34 anyos, may asawa, empleyado han Dulag LGU ngan residente ha poblacion 4, Brgy. Hamorawon, Calbayog City, Samar.
Nagawas ha inisyal nga imbistigasyon han mga otoridad nga nagbe-bisikleta an biktima ha ligid han kalsada.
An nahingaturog nga driver nga hi Franklyn in waray na makakontrol han iya manibela, an resulta nagpaligid hiya han kalsada pero tungod nga malaksi an iya padalagan, naararo hini an nagbe-bisikleta nga biktima.
Nadara pa ha hospital an biktima pero dead on arrival na ini.
Naghuhulat naman han Dulag PNP kun magpapasaka hin kaso an pamilya han biktima.
