Detinado karon sa Police Station 5 sa Macabalan ang usa ka senior citizen ug manahiay human nasapong nag pot session sa Corrales Extension, King Arthur, San Nicolas, District 3, Barangay Puntod ning syudad mga ala 1:45 kagahapon sa hapon.
Ang mga suspects kinsa parehong DI listed nailang sila Consuelo Santos Nacalaban, 61 anyos ug residente sa nasangpit nga dapit ug Fe Gonzales Edillon, 45 anyos, balo, usa ka manahiay nga taga Valencia, Bukidnon, tag-iya sa balay kung asa sila nasapong nag pot session.
Nakuha atol sa pot session ang improvised aluminom foil isip gutter nga dunay traces sa shabu, disposable lighter with improvised aluminium foil needle isip burner ug aluminium foil stripe isip tooter ug tulo ka unsealed sachet nga dunay traces sa gituohang shabu ug laing disposable lighter ug lain pang us aka heat sealed sachet nga dunay sulod gituohang shabu nga nitimbang og 0.02 grams nga dunay street value nga 500 pesos.
Samtang mga suspects, mag-atubang sa kasong paglapas sa Republic Act 9165 o Comprehensive Dangerous Drugs Act of 2002.
