Davao City – Nadala sa Southern Philippines Medical Center (SPMC) ang usa ka 67 anyos nga nga babaye sa dihang naligsan og single nga motorsiklo.
Biktima naila nga si Barcelisa Gabriel Saabill, 67 anyos, residente sa may Prk. Salakot Talomo ning siyudad.
Sa rekord sa Talomo PNP, alas 5:30 sa hapon kagahapon patabok na unta ang biktima padulong ngadto sa kanto Catalunan Grande diin nabanggaan kini sa usa ka single motorcycle nga gimaneho ni Alvin Magbanua Cedenio hinungdan sa pagka-angol niini.
Sa mao nga insidente, daling nanawag ang usa sa mga concerned citizen sa lugar ug daling gitabang sa Central 911 ang bikima dayon gidala ngadto sa SPMC aron matambalan.
Padayon pang gina-obserbahan sa mga doktor ang maong pasyente sa iyang kahimtang.
RadyoMaN Paul Canono
