Davao City – Patay ang usa ka senior citizen dihang nalatayan kini og trailer truck human natumba ang gisakyang motorsiklo ganinang alas-11:20 sa udto sa National highway, Brgy. Tagabuli, Sta. Cruz, Davao del Sur.
Biktima mao si Nolly Bahague Saturnino, 61 anyos nakapuyo sa Jacinto St. Zone III, Digos City samtang ang drayber sa truck mao si Felix Badong Bain, 30 anyos nga taga Prk 2 Poblacion mawab, Compostela Valley.
Base sa imbestigasyon sa kapulisan, ni–overtake ang maong truck sa gawas nga bahin sa dalan nga miresulta sa pagkatapsing ngadto sa motorsiklo ug pagkatumba niini diin nalatayan ang ulo nga bahin sa drayber sa motorsiklo.
Ang patay nga lawas biktima anaa na karon sa Esperanza Funeral Parlor, Brgy Zone 3, Sta. Cruz, Davao del Sur samtang si Bain balhug na sa Sta Cruz Municipal Police Station.
