Sa interbyu sa RMN Davao kang Bunawan Police Station Commander Police Major Robel Saavedra, dali nilang girespondehan ang report sa usa ka habal-habal drayber kinsa nakakita sa aktwal nga pagsulod sa sako ug sa brutal nga pagpamuspos sa iro hangtod sa kini mamatay sa Prk.6-A Aplaya Brgy. Bunawan ning syudad.
Matud sa hepe daling giaresto ang suspetsado nga giilang si DOMINADOR DAWAT, karpentero ug ning tuiga ra nakagawas sa kasong murder sa Davao Prison and Penal Farm o kanhi Davao Penal Colony (DaPeCol).
Kumpirmado sa necropsy test nga iro gayod ang mga narekober nga mga parte.
Kasong paglapas sa RA 10631 (ANIMAL WELFARE ACT) ang giatubang sa suspek.
Nagbahad usab si Saavedra sa tanang mga gapangdagmal ug gakaon og mga iro ug iring nga mamahimo silang mapriso ug makasuhan.
“Ang atong balaod sa Animal Cruelty naa niy pangil, kung mapamatud-an nga gilabag nimo mapriso kag 1 year up to 2 years ug mag-fine ka’g not more than P250K. Kung naa moy makita nga latagaw nga iro o iring ayaw ninyo’g patya kay ginabawal kini sa atoang balaod,” matud niini.
Gikondena ug padayong nanawgan og hustisya ang animal advocate nga Bantay Hayop Davao sa brutal nga pagpatay sa maong iro.
RadyoMaN Aimee Guinita
