Komento sa usa ka Pitong Lyne sa facebook page, sayang kaayo ang pila ka tuig nga ginaantos sa pagtudlo ug naa na untay tarong trabaho apan gikambyo lang sa kabuang.
Subay kini sa report sa Philippine Drug Enforcement Agency Regional Office XI nga nasikop nila uban ang Davao Occidental Police Provincial Office ug Malita Municipal Police Station ang public school teacher nga si Isabel Tanggo nga naaktuhang nag shabu session sa drug den sa Barangay Poblacion, Malita kagahapon sa hapon, October 18, 2022.
Lakip sa nadakpan mao si Haren Fel Tagose nga kauban sa magtutudlo samtang dakpan sab ang target sa operasyon nga usa ka empleyado sa gobyerno nga si Rodrigo Rodriguez, 68 anyos, giingong drug den owner.
Nakuha gikan sa ilaha ang gituohang shabu nga nagkantidad og 165, 000 pesos kinsa ang mga dinakpan balhug na karon sa prisuhan.
RadyoMaN Renz Barbarona
