Señor citizen nakuutan sa downtown, P20k nakuha, babaye nga suspek dakop paagi sa CCTV

947

BACOLOD CITY – Kapin P20,00 pesos ang natigayon nga makuha sang pickpocket sa biktima nga isa ka senior citizen kahapon sang hapon sa isa ka balaligyaan sa dalan Gonzaga, ciudad sang Bacolod.

Ang biktima ginkilala kay Elenita Mendoza, 61 anyos ang edad kag pumuluyo sang Brgy. Daan Banwa, Victorias City, samtang, ang suspek naman ginkilala kay Analyn Celeste, legal ang edad kag pumuluyo sang Brgy. Handumanan.

Suno sa biktima nga ini siya ang nagkadto sa isa ka balaligyaan sa Bacolod Downtown Area may mga las 2:30 kahapon sang hapon apang nakibot siya nga sang iya ginlantaw bukas na ang iya bag kag wala na ang sling bag nga nakasulod diri.

Pahayag ni Mendoza nga ang iya sling bag may unod nga importante nga mga ID, personal nga mga kagamitan kag kwarta nga P20 mil pesos cash.

Gilayon nga gin-check sang tagdumalahan sang amo nga balaligyaan ang ila CCTV kag didto nakita ang suspek nga nag-pickpocket kay Mendoza nga gilayon naman nga na-identify./dyHB BACOLOD

Facebook Comments