Wala sa bukabularyo ug dili option ni Supreme Court Chief Justice Ma. Lourdes Sereno ang resignation kun pagluwat sa pangatungdanan diha sa labing hataas nga hukmanan.
Gitataw ni Atty. Carlo Cruz, tigpamaba ni Sereno nga desidido ang hepe sa Korte Suprema nga dili na patulan ang birada ni Pres. Rodrigo Duterte nga dungan silang mo-resign ni Sereno ug ni Ombudsman Conchita Carpio-Morales.
Ang presidente nagbahad nga iyang mugnaon ang usa ka espesyal nga komisyon haron bukiki-on ang iyang gi-alegar nga anomaliya ug kabuang sulod sa anti-graft court.
Una niini, gilihok na sa Ombudsman ang pagli-li sa alleged bank accounts sa pamuno-nasud pinasikad sa giingong mga records gikan sa Anti-Money Laundering Council (AMLC).
Ang AMLC records gituhuang mao usab ang basihan sa alegasyong giyagyag ni opposition Sen. Antonio Trillanes kontra kang Duterte.
Matud ni Cruz, determinado ang hefe-mahistrado nga atubangon ang impeachment complaint nga gi-file batok kaniya ‘in an honorable fashion.’
Dugang sa abogado nga pagpakita lamang kini nga taliwala ning naasoyng buruka sa pagkakaron, dakung buhi gihapon ang demokrasya sa nasud-Pilipinas.
RadyoMan June Duterte
