Kagahapong adlawa, November 22, nabati na sab ang magnitude 5.8 sa nasangpit nga lugar.
Sa Facebook post sa usa ka Rebecca Cañedo, naalarma na sila tungod sa wala’y hunong nga pagtay-og nga nakaapekto na sa ilahang pang adlaw-adlaw nga kinabuhi.
Samtang, sa interview sa DXDC RMN Davao sa Sarangani Municipal Disaster Risk Reduction and Management Office (MDRRMO), nakatutok gihapon sila karon sa mga lugar ug mga establisyemento nga mao’y nagrabehan sa magnitude 6.8 tungod sa hulga nga dala niini samtang aduna pa’y mga aftershocks.
Subay niini, gipasabot usab ni General Santos City Representative Loreto Acharon atol sa iyahang privilege speech ang kamahinungdanon sa paghimo og balaod nga magtukod og evacuation centers sa 1,488 ka mga munisipalidad ug 146 ka mga lungsod sa tibuok Pilipinas human ang serye sa linog sa Southern Mindanao aron aduna’y mapadulngan kadtong mga indibidwal nga apektado sa mga kalamidad.
RadyoMaN Ivy Parido
