SFO3 Anthony Espida, ginklaro ang iya bahin nga wala sang natabo nga ‘harassment’ kontra sa tagreklamo nga si Marilyn Arciga sa Barangay Sibaguan, Roxas City!

Roxas City, Capiz – Ginklaro ni SFO3 Anthony A Espida, OIC Fire Marshal sang Jamindan Fire Staion nga wala sang ‘harassment’ sa insidente sa tunga niya kag sang pamilya sang tagreklamo nga si Marilyn Arciga y Alvarez sang Barangay Sibaguan, Roxas City.
Suno kay Espida, ang tuyo gid lamang sini kun ngaa ginkomprontar ang tagreklamo amo nga hibaluon kun bala matuod man gid nga ang anak sini ang nagsulod sa poluy-an sang tiya ni Espida.
Luyag man niya mahibaluan kun anu ang motibo sini kun ngaa yara sa solud sang poluy-an sang mga tigulang.
Apang sa baylo nga akuon ang alegasyon, hugot pa sini nga ginpanginwala ang akusasyon.