Tantangan, South Cotabato–Narekober sa Tantangan Municipal Police Station ang gi-aligar nga shabu nga gituohang gibilin lang daplin sa dalan sa Prk. 3, Bgy. San Felipe, Tantangan, South Cotabato.
Usa matud pa ka Rey Peñeda, Traffic Enforcer, ang maoy nagreport sa Tantangan Municipal Police Station, alas 9:20 sa buntag niadtong nakalabayng adlaw human nga may nakit an kini nga gituohang shabu sa maong lugar.
Gilayon usab nga girespondihan sa Tantangan MPS ug base sa imbestigasyon usa ka triangular heat sealed transparent plastic sachet nga may sulod nga gituohang shabu ang nakasulod sa kaha sa sigarilyo ang gibilin duol sa barrier steel post fence sa national highway.
Samtang, ang nasangpit nga shabu ang may gibug-aton nga 0.0030 gramo kansa nagkantidad P1,500.00.
Sa karon nagpadayon pa ang gihimong imbistigasyon sa kapulisan bahin sa insidente ug ila pang giila kinsay nagbilin sa maong droga didto sa maong lugar.
