Kumalarang, Zamboanga del Sur – Imbes manobela sa tricycle ang huptan, rehas na hinoon sa prisohan ang gigunitan karon sa 33-anyos nga driver human kining nakuhaan og illegal nga droga ug armas sa otoridad.
Naghugpong og pwersa ang tropa sa Regional Mobile Force Company ug Kumalarang PNP aron pagsilbi sa Search Warrant batok sa target nga kanhi nang nitahan sa tokhang.
Armado ang otoridad sa search warrant nga gipagawas ni Judge Dennis Vicoy, executive judge, multi-sala station court, Pagadian City pinitsahan January 22, 2020 batok sa akusado nga si Andy Buhisan Doliente a.k.a “Chokoy”, residente sa Purok Saging, Brgy. Sicade, Kumalarang, Zamboanga del Sur.
Dihang gikapkapan ang suspek nakuha gikan kaniya ang sling bag nga maoy gisudlan sa pito ka pakite sa gitoohang shabu nga mobalor sa 3,500.00.
Lakip nga nahipos gikan sa iyang posisyon ang usa ka unit sa caliber 22 revolver nga dunay tulo ka buhing bala.
Ang dinakpan gitangong na sa Kumalarang Municipal Police Station detention cell samtang nagpa-abot sa reklamong isang-at batok kaniya.
