Nahimo na nga batasan niining tulo ka mga tinun-an sa usa ka dakong unibersidad sa Cagayan de Oro ang paghatag ug pagkaon ngadto sa mga kabus nga bata nga naa sa Divisoria.
Si Nicole, kinsa leader sa maong grupo mao ang ang nangusog nga maka panghatag sila sa iyang barkada bisan gamay nga dalit ngadto sa mga kabus hilabi na sa mga bata. “*Swerte ra gihapon ta nga naa tay mga ginikanan nga gasuporta sa ato permi*” pulong ni Nicole ngadto sa iyang mga classmate.
Konsensya sagul kalooy ang nagtukmod sa maong mga estudyante nga mag apod-apod ug mga pang merienda, paniudto o panhipapon sa ubay-ubay nga mga kabus nga bata nga dili pa makabuhi sa ilang kaugalingon. Mao kini ang nakita nila nga pama-agi aron makapamahin sa ilang grasya nga gakadawat.
Mensahe sa maong mga estudyante ngadto sa kabataan: “*Ayaw ninyo usiki ang pagkaon nga naa sa inyong lamesa, daghan mga bata karon ang gipang gutom”*.
