Davao City – Human sa malampuson nga pangguba sa mga kabalayan atol sa pagpatuman sa demolisyon sa Purok 5 Talomo Proper, Puan dakbayan sa Dabaw ganinang buntag nanganti karon ang pipila ka residente sa Puan nga pasakahan og kaso ang Sheriff sa RTC Branch 16 nga si Santi Julian Solomon kinsa maoy nagpatuman sa demolisyon sa kapin 20 ka balay ganinang buntag.
Kini human gikwestyon sa pipila ka residente ang demolition order nga walay pirma ni Solomon ug pag-apil sab sa ubang balay nga wala matud pa’y apil sa kamandoan nga gub-on.
Sa nahitabong komprontasyon kasagsagan sa demolisyon, gihagit ni Solomon ang mga residente nga magduso og reklamo batok kaniya kay andam niya kini atubangon.
Gipasabot sab sa sheriff nga mando sa korte nga dili lamang ang balay ni Damaso Cequina ang gub-on apan tanan nga nasulod sa kapin lima ka ektaryang luna nga gipanag-iyahan na karon sa Gaisano.
RadyoMaN Joel Viray
