South Cotabato – Patay ang usa ka Citizen Armed Forces Geographical Unit (CAFGU) human nga gipusil sa iyang kaubanan sa trabaho sulod mismo sa ilang kampo didto sa lungsod sa Pikit, North Cotabato.
Biktimang namatay giilang si Esmail Tanto, 43, myembro sa 31st NCCAA Company ilawom sa 38th Infantry Battalion Philippine Army ug residente sa Barangay Langaye, Pikit, North Cotabato.
Subay sa inisyal nga report sa kapulisan nasuta nga naglalis ang biktima ug kaubanan niining si Alberto Caburnay gumikan sa kanhi nilang bangi sulod mismo sa ilang detachment sa Barangay Ladtingan, Pikit, North Cotabato.
Wala kaagwanta ang suspek sa iyang kapungot ngadto sa biktima, iyang gikuha ang iyang M14 Rifle ug gipusil ang biktimang si Tanto.
Daghang samad sa nagkandaiyang parti sa kalawasan ang naangkon sa biktima nga hinungdan sa iyang kamatayon. Paspas usab nga misibat ang suspek human sa pagpamusil.
Sa karon padayon pa ang gihimong imbistigasyon sa kapulisan kalabutan sa maong insidenti, samtang gikatakda usab nga kasuhan ang suspetsadong si Caburnay kansa padayong gipangita sa kasamtangan.
