Roxas City, Capiz- Padayon ang imbestigasyon sang mga kapulisan sang Roxas City PNP sa nagluntad nga shooting incident sa Sitio Pagutok, Brgy. Milibili alas 7 kagab-e.
Sa subong padayon nga ginabulong sa isa ka ospital diri sa syudad sang Roxas ang biktima nga ginkilala kay Jhonny Dela Cruz y Atienza matapos nga nag-angkon sang pilas sa likod nga porsiyon sang iya lawas.
Ginatudlo nga suspek amo si Ronel Acta alyas Kadoy.
Base sa inisyal nga imbestigasyon, naga-inom ang biktima upod ang mga abyan sini sa poluy-an ni Luwie Desano sang ginhaboy ang mga ini sang suspek gani nagguha ang mga sila kag ginkomprontar ang suspek.
Apang likom sa iya ihibalo, ini ang may dala gali nga armasluthang kasunod sang paggabot kag siya ang ginluthang.
Madasig nga nagpalagyo ang suspek samtang gilayon man nga ginpadangat sa ospital ang biktima agud nga madapatan sang pagbulong.
